აბაშის მუნიციპალიტეტში, ზვიად გამსახურდიასა და მერაბ კოსტავას სახელობის პარკში საქართველოს მთავრობის, საქართველოს კულტურის სამინისტროსი და სსიპ შემოქმედებითი საქართველოს მხარდაჭერით საახალწლო კონცერტი გაიმართა.
კონცერტში მონაწილეობდნენ აჩიკო ნიჟარაძე, ნუცა ქირია, დათუნა სირბილაძე, დათო არჩვაძე, მერაბ ვარდოსანიძე, აჩიკო ცანკაშვილი, თიკა მახალდიანი, გიორგი მეფისაშვილი, გიორგი წიკლაური, ანსამბლი “ოდა”, ანსამბლი “ქართული ხმები”, დავით მაზანაშვილის ბენდი, გიგა პაპასკირი, წამყვანი ნუგზარ ხავთასი.
აბაშის მუნიციპალიტეტის მერმა, გიგა გაბელაიამ დამდეგი შობა-ახალი წელი მიულოცა მოქალაქეებს და მათთან ერთად აანთო ქალაქის მთავარი ნაძვის ხე.
საქართველოს კულტურის სამინისტროს მიერ ორგანიზებული საახალწლო ღონისძიებები ასევე მოიცავდა საბავშვო აქტივობებს, ზღაპრის გმირების წარმოდგენებსა და მუსიკალურ ნომრებს. ღონისძიებების პატარა სტუმრებს თოვლის ბაბუამ საჩუქრები გადასცა.
ღონისძიება ფეიერვერკით დასრულდა.
