შშმ პირთა უფლებების დაცვის საერთაშორისო დღესთან დაკავშირებით, აბაშის მუნიციპალიტეტის მერიის ფოიეში, შეზღუდული შესაძლებლობების მქონე ბავშვებისა და ახალგაზრდების მიმართ განხორციელებული ღონისძიებების ამსახველი ფოტო-მასალის გამოფენა მოეწყო. ასევე, მერიის საკონფერენციო დარბაზში გაიმართა ტრენინგი თემაზე: ,,ინკლუზიური განათლება“, რომელიც ორი დღის განმავლობაში მიმდინარეობდა. ტრენინგს ესწრებოდნენ: სპეციალური მასწავლებლები, საჯარო სკოლების დირექტორის მოადგილეები სასწავლო-აღმზრდელობით დარგში, ცალკეული საგნის მასწავლებლები, მერიისა და საკრებულოს წარმომადგენლები. შეხვედრას უძღვებოდა მოწვეული ტრენერი, ,,მშობელთა, მასწავლებელთა და მოსწავლე -ახალგაზრდობის ასოციაციის“ დირექტორი, ქეთევან ჟვანია.
შშმ პირთა უფლებების დაცვის საერთაშორისო დღესთან დაკავშირებით ღონისძიებები, მერიის კულტურის, განათლების, სპორტის, ძეგლთა დაცვის, ახალგაზრდულ საქმეთა სამსახურისა და კულტურისა და ხელოვნების განვითარების ცენტრის ორგანიზებით გაიმართა.
