სოფლის მხარდაჭერის პროგრამა

„სოფლის მხარდაჭერის პროგრამის“ ფარგლებში, დასაფინანსებელი პროექტების შერჩევის მიზნით აბაშის მუნიციპალიტეტის სოფლებში მოსახლეობასთან შეხვედრები დაიწყო.

დღეს საერთო კრებები გაიმართა ნორიოს ადმინისტრაციული ერთეულის შემავალ 6 სოფელში.

შეხვედრებს სამეგრელო-ზემო სვანეთის სახელმწიფო რწმუნებულის მოადგილე, დავით ვერავა, მერის პირველი მოადგილე, ირაკლი პერტენავა და მერიის შესაბამისი სამსახურების წარმომადგენლები ესწრებოდნენ.

ნორიოს ადმინისტრაციულ ერთეულში პრიორიტეტულ საკითხებად სასოფლო-სამეურნეო სავარგულებთან მისასვლელი გზების მოხრეშვა, სანიაღვრე არხების ამოწმენდა, სტადიონის შემოღობვა, მდ. ცუდღარზე დამცავი ჯებირის მოწყობა დასახელდა.

აბაშის მუნიციპალიტეტის ადმინისტრაციულ ერთეულებში „სოფლის მხარდაჭერის პროგრამის“ ფარგლებში, მცირე ინფრასტრუქტურული პროექტების დასაფინანსებლად 500 000 ლარი დაიხარჯება.

დასაფინანსებელი პროექტების შერჩევის მიზნით დასახლებების საერთო კრებები მუნიციპალიტეტის 35 სოფელში ეტაპობრივად ჩატარდება.