გილოცავთ „აბაშობას!“

ძვირფასო აბაშელებო!
გილოცავთ სახალხო დღესასწაულს – „აბაშობას“!
ეს დღე განსაკუთრებულია თითოეული ჩვენგანისთვის. იგი ჩვენი ისტორიის, ტრადიციების, კულტურული მემკვიდრეობისა და საერთო ღირებულებების სიყვარულისა და პატივისცემის გამოხატულებაა. „აბაშობა“ კიდევ ერთხელ გვაერთიანებს მშობლიური ქალაქისა და მუნიციპალიტეტის სიყვარულით.
ჩვენი პრიორიტეტი აბაშის განვითარება და თითოეული მოქალაქისთვის უკეთესი საცხოვრებელი გარემოს შექმნაა. საქართველოს მთავრობისა და ადგილობრივი ხელისუფლების თანამშრომლობით, მუნიციპალიტეტში აქტიურად იგეგმება და ხორციელდება მნიშვნელოვანი ინფრასტრუქტურული პროექტები – ეწყობა და რეაბილიტირდება საგზაო ინფრასტრუქტურა, საზოგადოებრივი სივრცეები, ვითარდება საგანმანათლებლო, სპორტული და სხვა მნიშვნელოვანი მიმართულებები. თითოეული განხორციელებული პროექტი კიდევ ერთი წინ გადადგმული ნაბიჯია ჩვენი მუნიციპალიტეტის კეთილდღეობისა და განვითარების გზაზე.
,,აბაშობას“ განსაკუთრებული პატივისცემით ვულოცავ ჩვენს ღვაწლმოსილ მოქალაქეებს, თითოეულ ადამიანს, ვინც საკუთარი პროფესიული საქმიანობით, ნიჭითა და თავდადებით ემსახურება მშობლიურ ქალაქს, მის განვითარებასა და კეთილდღეობას. თქვენი შრომა, გამოცდილება და ერთგულება ჩვენი მუნიციპალიტეტის უმთავრესი სიმდიდრეა.
მჯერა, ერთობლივი ძალისხმევით, ურთიერთპატივისცემითა და სიყვარულით კიდევ უფრო გავაძლიერებთ ჩვენს მუნიციპალიტეტს, შევინარჩუნებთ მის ტრადიციებს და არაერთ მნიშვნელოვან წარმატებას მივაღწევთ.
გისურვებთ ჯანმრთელობას, მშვიდობას, კეთილდღეობას, ოჯახურ ბედნიერებასა და წარმატებებს!
გიგა გაბელაია,
აბაშის მუნიციპალიტეტის მერი