აბაშის მუნიციპალიტეტში 2021 წელს 120-კმ გზაზე გარე განათების ქსელი მოეწყობა.
აბაშის მუნიციპალიტეტის ტერიტორიაზე, ქალაქისა და ადმინისტრაციული ერთეულების ყველა დარჩენილ ქუჩაზე, ჯამში 120-კმ-ზე გარე განათების ქსელი მოეწყობა, დამონტაჟდება ენერგოეფექტური გარე სანათები.
ახალი სანათების მთავარი უპირატესობა, ვიზუალურ მხარესთან ერთად, ენერგოეფექტურობაა.
პროექტი რეგიონებში განსახორციელებელი პროექტების ფონდიდან ფინანსდება.
პროექტის განხორციელების შემდეგ მუნიციპალიტეტის მთელ ტერიტორიაზე სრულად იქნება მოწყობილი გარე განათება, ამასთან ერთად გაუმჯობესდება ინფრასტრუქტურა და გზაზე გადაადგილების შესაძლებლობა.
