დღეს აბაშის მუნიციპალიტეტში იაპონიის საერთაშორისო თანამშრომლობის სააგენტოს მუდმივი წარმომადგენელი, იუკიჰიკო ეჯირი იმყოფებოდა.
იუკიჰიკო ეჯირი სამეგრელო-ზემო სვანეთის სახელმწიფო რწმუნებულის მოადგილე, დავით ვერავასთან, მერის პირველ მოადგილე, ირაკლი პერტენავასთან და მერიის შესაბამისი სამსახურის წარმომადგენლებთან ერთად ტყვირის ადმინისტრაციული ერთეულის საჯარო სკოლასა და ქალაქის N1 საბავშვო ბაღში იმყოფებოდა. მან ასევე ადგილობრივი ხელისუფლების წარმომადგენლებისგან მოისმინა ინფორმაცია მუნიციპალიტეტში ინფრასტრუქტურული მდგომარეობის შესახებ.
საერთაშორისო სააგენტოს მიზანია, შეარჩიოს ობიექტები და გადაწყვეტილების მიღების შემთხვევაში განახორციელოს მათი რეაბილიტაცია.
