აბაშის მუნიციპალიტეტში COVID19-ის საწინააღმდეგო ვაქცინაცია დაიწყო

. პირველ ეტაპზე აცრები სამედიცინო პერსონალს უტარდება.

ვაქცინაცია აბაშის საოჯახო მედიცინის ცენტრი „შანში“ მიმდინარეობს.
კორონავირუსის საწინააღმდეგო ვაქცინა ერთ-ერთმა პირველებმა, აბაშის საზოგადოებრივი ჯანდაცვის ცენტრის ექიმმა, სალომე ნაროუშვილმა და ექიმმა, პაატა ქურდოვანიძემ გაიკეთეს.

აცრის პროცესს აბაშის მუნიციპალიტეტის მერი, ლევან მაკალათია, საკრებულოს თავმჯდომარესთან, მამუკა კვიტაშვილთან ერთად დაესწრო.

COVID-19-ის საწინააღმდეგო ვაქცინის 200 დოზა აბაშის მუნიციპალიტეტში საზოგადოებრივი ჯანდაცვის სამსახურმა 14 მარტს მიიღო. ამცრელი კაბინეტის მედპერსონალმა გაიარა შესაბამისი ტრენინგი.

COVID-19-ის საწინააღმდეგო ვაქცინაციას ექვემდებარება ჯანდაცვის სექტორში დასაქმებული ყველა პირი. ვაქცინაცია ინფექციისაგან დაცვის ეფექტური და უსაფრთხო საშუალებაა.
სამედიცინო სფეროში დასაქმებული პირების ვაქცინაცია ხორციელდება სპეციალურ ონლაინ პლატფორმაზე რეგისტრაციის მიხედვით.

💉აცრა ნებაყოფლობითია!
💉ერთად შევაჩეროთ COVID-19-ის პანდემია!