წარჩინებული კურსდამთავრებულების დაჯილდოება გაიმართა

დღეს, აბაშის მუნიციპალიტეტის მერიის საკონფერენციო დარბაზში, 2018-2019 და 2019-2020 სასწავლო წლების წარჩინებული სკოლადამთავრებულები საქართველოს განათლებისა და მეცნიერების სამინისტროს ,,წარმატებულ მოსწავლეთა წახალისების პროგრამის’’ ფარგლებში, ოქროსა და ვერცხლის მედლებით დაჯილდოვდნენ.
აღნიშნულ სასწავლო წლებში 29 კურსდამთავრებულმა დაიმსახურა მედალი, მათ შორის 20 ოქროს და 9 ვერცხლის მედალია.

მედლები და ფასიანი საჩუქრები, აბაშის მუნიციპალიტეტის მერმა, გიგა გაბელაიამ, 16 წარჩინებულ კურსდამთავრებულს პირადად გადასცა.

„გილოცავთ ამ მნიშვნელოვან დღეს, თქვენი წარმატება ხომ თითოეული ჩვენგანის უდიდესი სიხარულია, ხვალინდელი დღის იმედია. განსაკუთრებით ამაყი ვარ, რადგან ჩვენ გვყავს კურსდამთავრებულები, ახლა უკვე სტუდენტები, რომლებმაც დიდი შრომის ფასად მიიღეს ეს ჯილდო და დღეს მთელი პასუხისმგებლობით აგრძელებენ სწავლას სხვადასხვა უმაღლეს სასწავლებელში. მადლობა პედაგოგებს, მშობლებს, სწორედ მათი დიდი თანადგომის შედეგია, ის, რომ გვყავს განათლებული, მიზანდასახული ახალგაზრდები. თითოეულ მათგანს წარმატებებს ვუსურვებ პროფესიული სრულყოფის გზაზე, ჩვენ მზად ვართ მხარი დავუჭიროთ მათ და ერთად განვახორციელოთ ბევრი საინტერესო პროექტი,“- აღნიშნა შეხვედრაზე გიგა გაბელაიამ.

დაჯილდოების ცერემონიალს ესწრებოდნენ: ღვთისმშობლის შობის სახელობის ტაძრის დეკანოზი, კონსტანტინე კაჭარავა, მერის პირველი მოადგილე, ირაკლი პერტენავა, მოადგილე გიგა ჯვარელია, საგანმანათლებლო რესურსცენტრის უფროსი, მერაბ მიგინეიშვილი, მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახურის უფროსი, ნათია იობაია და თვითმმართველობის სხვა წარმომადგენლები.

ოქროს მედლები გადაეცათ: ანა ლიპარტია, ნათია ჭანტურია, მარიკა კაჭარავა, (I საჯარო სკოლა), ქეთევან გაბუნია, თამთა ძველაია, გვანცა შონია, მზევინარ შუბლაძე (II საჯარო სკოლა), გიორგი დარცმელიძე, მედეა ქურდობაძე (სამიქაოს საჯარო სკოლა), ნინო ცაგურია, ნინო ცანავა (ქოლობნის საჯარო სკოლა), ია მიმინოშვილი (ზანათის საჯარო სკოლა), ნინო კაჭარავა (კეთილარის საჯარო სკოლა), გვანცა შიუკაშვილი (მაიდნის საჯარო სკოლა).
ვერცხლის მედლები გადაეცათ: მართა კორძახია (I საჯარო სკოლა), ნიკა საჯაია (II საჯარო სკოლა).

მუნიციპალიტეტის მერიისგან ასევე ფასიანი საჩუქარი გადაეცა, 2020-2021 სასწავლო წლის 100 პროცენტიანი გრანტის მფლობელ კურსდამთავრებულს, ლიზი ესაკიას.

დღეს ასევე დაჯილდოვდნენ საქართველოს ჩემპიონები ნიჩბოსნობაში: გიორგი გაბელაია, დათო თოფურია და ლიზი ჭანტურია. საქართველოს ნაკრების წევრები მაგიდის ჩოგბურთში: ნინი ლიპარტია და გიორგი ლიპარტია. საქართველოს 2021 წლის თასის მფლობელი ბალახის ჰოკეის გოგონათა და ვაჟთა გუნდები.

გიგა გაბელაიამ კიდევ ერთხელ მიულოცა სპორტსმენებს და წარმატებები უსურვა მათ.