სამეგრელო-ზემო სვანეთის სახელმწიფო რწმუნებულის მოადგილე, დავით ვერავა, აბაშის მუნიციპალიტეტის მერს, ლევან მაკალათიასა და აბაშის მუნიციპალიტეტის საკრებულოს თავმჯდომარეს, მამუკა კვიტაშვილს შეხვდა. შეხვედრაზე განხილულ იქნა მუნიციპალიტეტში, კორონავირუსის პრევენციული ღონისძიებების ფარგლებში, სასოფლო-სამეურნეო სამუშაოებთან დაკავშირებული საკითხები. გამოიკვეთა, რომ მნიშვნელოვანია მოხდეს შესაბამისი ტექნიკის მობილიზება, რათა მოსახლეობამ შესძლოს სასოფლო-სამეურნეო დანიშნულების მიწის აგროვადებში დამუშავება და თესვა. სამუშაო შეხვედრას ესწრებოდნენ შესაბამისი სამსახურების წარმომადგენლები.
