გზების მასშტაბური სარეაბილიტაციო სამუშაოები

აბაშის მუნიციპალიტეტში გზების მასშტაბური სარეაბილიტაციო სამუშაოები გრძელდება. ქოლობნის ადმინისტრაციულ ერთეულში, სოფელ ბულვანში 2 კილომეტრამდე გზაზე ასფალტო-ბეტონის საფარი დაიგო.
აღნიშნული გზა მოსახლეობას სოფლების: პ/ მაისისა და მარნის ადმინისტრაციულ ცენტრებთან აკავშირებს, ასევე, ერთადერთი გზაა მოსახლეობისათვის დაუკავშირდეს თბილისი-სენაკი-ლესელიძის საერთაშორისო ავტომაგისტრალს. პროექტი რეგიონული განვითარების ფონდიდან მიმდინარე წელს 130 809 ლარით დაფინანსდა.
ნორიოს ადმინისტრაციულ ერთეულში, ილიას ქუჩიდან საბაშვილების ბოგირამდე, სოფელ სუჯუნაში 3 კილომეტრამდე გზის ასფალტო-ბეტონის საფარით მოწყობა მიმდინარეობს. პროექტი რეგიონული განვითარების ფონდიდან მიმდინარე წელს 509 096 ლარით ფინანსდება. სამუშაოებს ასრულებს შპს „არქეოპოლისი“.
ინფრასტრუქტურული სამუშაოები კორონავირუსის გავრცელების პრევენციის ფარგლებში, ჯანდაცვის სამინისტროს მიერ შემუშავებული სპეციალური რეკომენდაციების შესაბამისად ხორციელდება.