ყანების ცივი შესხურებით დამუშავება

აბაშის მუნიციპალიტეტში, აზიურ ფაროსანასთან ბრძოლის მიზნით, სიმინდის მასივებისა და მიმდებარე ტერიტორიების ცივი შესხურების მეთოდით დამუშავება მიმდინარეობს.
სურსათის ეროვნულმა სააგენტომ და ფაროსანასთან ბრძოლის საკოორდინაციო მართვის ცენტრმა წამლობა ანჯელის საყანე ფართობებიდან დაიწყო. პროცესში აქტიურად არის ჩართული ადგილობრივი თვითმმართველობა. ცივი შესხურების ტექნოლოგია გამოიყენება მავნებლის პირველი ნიმფების წინააღმდეგ. საყანე ფართობების მიმდებარე ტერიტორიებზე დამონტაჟებულია „მოიზიდე და გაანადგურე“ სადგურები.
ცივი შესხურების ტექნოლოგიით სიმინდის მასივების დამუშავება, აბაშის მუნიციპალიტეტის სხვა ტერიტორიულ ერთეულებშიც ეტაპორივად გაგრძელდება.