აბაშაში იურიდიული დახმარების უფასო საკონსულტაციო ცენტრი გაიხსნა

აბაშის მუნიციპალიტეტში, უჩა კაჭარავას ქ.N1-ში, იურიდიული დახმარების სამსახურის უფასო საკონსულტაციო ცენტრი გაიხსნა. ადგილობრივ მოსახლეობას საშუალება ეძლევა უფასოდ მიიღოს კვალიფიციური იურისტის კონსულტაცია ისეთ საკითხებზე, როგორიცაა: მიწის რეგისტრაცია, მემკვიდრეობა, საბანკო სესხები, ქალთა მიმართ, ოჯახში ძალადობა და სხვა.

იურიდიული დახმარების ცენტრის დირექტორი, რაჟდენ კუპრაშვილი, აბაშის მუნიციპალიტეტის მერთან, ლევან მაკალათიასთან ერთად სოციალური სამსახურის თანამშრომლებს, ადმინისტრაციულ ერთეულებში მერის წარმომადგენლებსა და საკრებულოს დეპუტატებს ღია სივრცეში შეხვდა.

შეხვედრაზე იურიდიული დახმარების ცენტრის იურისტებმა წარმოადგინეს პრეზენტაცია, უფასო სამართლებრივი დახმარების მიღების პირობების და იმ სამართლებრივი პრობლემის შესახებ, რომელიც ადგილობრივი მოსახლეობის დიდი ნაწილისთვის აქტუალურია.

იურიდიული დახმარების სამსახური უფასო მომსახურებას უზრუნველყოფს ბიუროების, საკონსულტაციო ცენტრებისა და მოწვეულ საზოგადოებრივ ადვოკატთა რეესტრის მეშვეობით