აბაშის მუნიციპალიტეტში „სოფლის მხარდაჭერის პროგრამით“ დასაფინანსებელი პროექტების შერჩევის მიზნით მოსახლეობასთან შეხვედრები გრძელდება.
ამჯერად დასახლებების საერთო კრებები და კონსულტაციები სუჯუნისა და ზანათის ადმინისტრაციულ ერთეულებში გაიმართა.
შეხვედრებს მერიის შესაბამისი სამსახურის თანამშრომლები, ადმინისტრაციულ ერთეულებში მერის წარმომადგენლები და საკრებულოს მაჟორიტარი დეპუტატები ესწრებოდნენ.
საერთო კრებებზე მოსახლეობის მიერ წარმოდგენილ საპროექტო წინადადებებს კენჭი ეყარა და ხმათა უმრავლესობით თითოეულ დასახლებაში პრიორიტეტები გამოვლინდა.
ადგილობრივებმა პრიორიტეტად შიდა საუბნო და სახნავ-სათეს სავარგულებთან მისასვლელი გზების მოხრეშვითი სამუშაოები, წყალსაწრეტი არხის ამოწმენდა, საბავშვო ბაღის შემოღობვა და მოსაცდელების მოწყობა დაასახელეს.
პრიორიტეტების გამოსავლენად, ადგილობრივ მოსახლეობასთან საკონსულტაციო შეხვედრები 7 თებერვალს დასრულდება.
