“აბაშობა-2025“-ის ფარგლებში ზვიად გამსახურდიასა და მერაბ კოსტავას სახელობის პარკში სხვადასხვა საზეიმო ღონისძიება გაიმართა.
ღონისძიებას აბაშის მუნიციპალიტეტის მერი, გიგა გაბელაია, სამეგრელო-ზემო სვანეთის სახელმწიფო რწმუნებულის მოადგილესთან, რეგიონის მერებთან, მოწვეულ სტუმრებთან და ადგილობრივებთან ერთად ესწრებოდა.
ადგილობრივი შემსრულებლების, ქორეოგრაფიული ანსამბლებისა და ქუთაისის ოპერისა და ბალეტის სახელმწიფო თეატრის სიმებიანი კვარტეტის მონაწილეობით გაიმართა კონცერტი, მოეწყო ნიღბების თეატრის გმირების საზეიმო მსვლელობა.
მოეწყო აბაშელ ხელოვანთა ნამუშევრების, საქართველოს ეროვნული მუზეუმის ოქროს ფონდში დაცული აბაშაში მდებარე ეკლესიების ქრისტიანული ხელოვნების ნიმუშების, ფოტო-სურათების, რუსთაველის პრემიის ლაურეატის, ქართული გრაფიკის ფუძემდებლის ვლადიმერ (ლადო) გრიგოლიას ნამუშევრების გამოფენა.
ადგილზე მოწყობილი იყო ეთნო კუთხეები, ტარდებოდა მეგრული კერძების მასტერკლასები. თითოეულმა სოფელმა თავისი კუთხე ნაირფერი შემოდგომის ნობათით გაავსო. აბაშელები საექსპოზიციო კუთხეებთან მასპინძლობდნენ სტუმრებს.
აბაშის მუნიციპალიტეტში სახალხო დღესასწაული „აბაშობა-2025“ “თბილისური კვარტეტის” გალა კონცერტით და ფოიერვერკით დასრულდა.
