აბაშის მუნიციპალიტეტში, დღეს 22 აპრილს, დედამიწის საერთაშორისო დღესთან დაკავშირებით დასუფთავების აქცია გაიმართა

აბაშის მუნიციპალიტეტში, დღეს 22 აპრილს, დედამიწის საერთაშორისო დღესთან დაკავშირებით დასუფთავების აქცია გაიმართა.

დასუფთავების აქციაში მერიის სხვადასხვა სამსახურის თანამშრომლებმა მიიღეს მონაწილეობა.

აქციის ფარგლებში, საყოფაცხოვრებო და სხვა სახის მყარი ნარჩენებისაგან დასუფთავდა ქალაქის შემოსასვლელები, ნორიოს ადმინისტრაციულ ერთეულში მდ. აბაშის მიმდებარედ არსებული ჭაბურღილის ტერიტორია.

საქართველოში დედამიწის დღე პირველად 1990 წელს აღინიშნა და მას შემდეგ, ყოველწლიურად ამ ღონისძიებას უერთდება მრავალი ორგანიზაცია და მოხალისე, რომლებიც ახორციელებენ სხვადასხვა ტიპის გარემოსდაცვით საქმიანობას მთელი ქვეყნის მასშტაბით.

პროექტი ხორციელდება არასამთავრობო ორგანიზაციების („საქართველოს მწვანეთა მოძრაობა/დედამიწის მეგობრები – საქართველო“, „დავიცვათ საქართველოს სისუფთავე“ – KGT, საქართველოს ბუნების მკვლევართა კავშირი „ორქისი“) მიერ, საქართველოს გარემოს დაცვისა და სოფლის მეურნეობის სამინისტროსთან, სსიპ “გარემოსდაცვითი ინფორმაციისა და განათლების ცენტრთან“ და მყარი ნარჩენების მართვის კომპანიასთან თანამშრომლობით, შვედეთის მთავრობის ფინანსური მხარდაჭერით