დღეს აბაშის მუნიციპალიტეტში, საოჯახო მედიცინის ცენტრ „შანში“ მასობრივი ვაქცინაცია ჩატარდა.
კორონავირუსის საწინააღმდეგო ვაქცინით აიცრნენ აბაშის მუნიციპალიტეტის მერიისა და საკრებულოს თანამშრომლები, ადმინისტრაციულ ერთეულებში მერის წარმომადგენლები, მოქალაქეები.
ვაქცინაცია ჯანდაცვის სამინისტროს მიერ შემუშავებული რეგულაციების სრული დაცვით ჩატარდა.
საოჯახო მედიცინის ცენტრ „შანში“ 4 ამცრელი ბრიგადა მუშაობს. კლინიკა მზად არის ყოველდღიურ რეჟიმში მოემსახუროს მოქალაქეებს.
აცრაზე რეგისტრაცია შესაძლებელია, როგორც ელექტრონული პორტალის – https://booking.moh.gov.ge მეშვეობით, ასევე, ვაქცინაციის მსურველებს დარეგისტრირება შეუძლიათ პირდაპირ კლინიკაში ვიზიტის დროსაც. გარდა ამისა, ვაქცინაციაზე რეგისტრაციისთვის მოქმედებს ერთიანი სამთავრობო ცხელი ხაზის სპეციალური ნომერი – 144-3.
COVID-19-ის საწინააღმდეგო ვაქცინაცია ინფექციისაგან თავდაცვის ეფექტური და უსაფრთხო საშუალებაა!
ჯანმრთელობის მსოფლიო ორგანიზაცია, საზოგადოებრივი ჯანდაცვის უწყებები და კვალიფიციური ექიმები რეკომენდაციას უწევენ COVID-19-ის საწინააღმდეგო ვაქცინაციას.
