კორონავირუსის პრევენციის მიზნით ღონისძიებები ხორციელდება.

აბაშის მუნიციპალიტეტში, ახალი კორონავირუსის გავრცელების პრევენციის მიზნით სხვადასხვა ღონისძიება ხორციელდება.
მერის, ლევან მაკალათიას ინიციატივით, საქართველოში გამოცხადებულ საგანგებო მდგომარეობის გათვალისწინებით, მედიცინის მუშაკების ტრანსპორტით მომსახურების მიზნით შეიქმნა სამუშაო ჯგუფი, რომელიც სადღეღამისო რეჟიმში, გამოძახებისთანავე უზრუნველყოფს დანიშნულების ადგილზე აბაშელ მედიკოსთა ტრანსპორტირებას.
მერია უახლოეს დღეებში ხანდაზმულ მარტოხელებს საკვები პროდუქტებით დაეხმარება, ასევე, დაიწყება პროდუქტის დარიგება საბავშვო ბაღების აღსაზრდელთათვის.
დეზინფექცია ჩაუტარდება მრავალსართულიანი საცხოვრებელი სახლების სადარბაზოებს.
მერიასთან შექმნილი მოხალისეთა ჯგუფის წევრები, ჯანმრთელობისა და სოციალური დაცვის სამსახურის თანამშრომლებთან ერთად, მზრუნველობამოკლებულთა სასადილოს ბენეფიციარებს მათთვის განკუთვნილ სადილს ყოველდღიურ რეჟიმში საცხოვრებელ ადგილზე აწვდიან.
აბაშელმა მოხალისეებმა სააფთიაქო ქსელების, ბანკებისა და სასურსათო მაღაზიების მიმდებარედ, სოციალური დისტანცირებისთვის ადგილები მონიშნეს.
აწესრიგებენ საზოგადოებრივი თავშეყრის ადგილებში რიგებს.
შემოწირულობებით შეჭირვებულ და მრავალშვილიან ოჯახებს საკვები პროდუქტები და მედიკამენტები შეუძინეს.
აბაშის მუნიციპალიტეტის მერია საჭიროების შემთხვევაში დამატებით ღონისძიებებს განახორციელებს.